ئێوارەی ڕۆژی پێنج شەممە بەرواری ٠٨.٠٧.٢٠٢١ ئاگر بەردەبێتە کارگەیەکی خواردن و خواردن دروستکردن بە ناوی "کارگەی هاشم بۆ دروستکردنی خواردن و خواردنەوە" لە شارۆچکەی پیشەسازی ڕوبگانجی نزیک دەکای پایتەخت کە لە پێنج نهۆم پێکهاتووە . ئاگرەکە تا ئەمڕۆش بەردەوام بووە و پەیتا پەیتا گیانی کرێکارانی سەندۆتەوە. تا ئێستا ژمارەی قوربانیەکان بە پێی قسەی دەسەڵاتدارانی ناوچەکە گەشتۆتە ٥٢ کرێکار و دەیانی تریش برینداران. ئەم وێڕای ئەوەی کە تا ئێستا زیانە گیانیەکان بە تەواوەتی نەزانراوە لەبەرئەوەی زۆرێک لە کرێکارەکان لە ترسی گیانی خۆیان لە نهۆمەکانی کارگەکەوە خۆیان هەڵداوەتە خوارەوە و دەیانی تریش بە دیار نەماو هەژماردەکرێن.
شایەنی باسە ئەمە یەکم جارنیە کە لە بەنگلادیش بەهۆی ئاگرکەوتنەوە لە کارگەکاندا و بەهۆی نەبوونی هیچ جۆرە ڕێوشوێنێکی سەلامەتی کار و نەبوونی یاسای گونجاو بۆ دەستەبەرکردنی ژیان و سەلامتی کرێکاران کارەسات دەکەوێتەوە. هاوکات کەسوکاری کرێکاران و خێزانەکانیان لە چواردەوەری کارگەکە کۆبوونەتەوە بۆ ناڕەزایەتی نیشاندان بەرامبەر خاوەن کار و بەڕێوەبەرایەتی کارگەکە و دەسەڵاتداران.
بورژوازی وەک هەمیشە و بۆ خاوکردنەوەی ڕق ق توڕەیی کرێکاران و خێزانەکانیان و لەباربردنی ناڕەزایەتیەکانیان دەست دەبات بۆ دروستکردنی لیژنەی لێکۆڵینەوە و حەوالە بە گەواڵەکردنی کەمتەرخەمیەکان. نا ئەمنی شوێنی کار بەشێکە لە چاوچنۆکی و دڕندەیی بورژوازی و نیزامی سەرمایەداری. خاوەنکارەکان ئەوەندە گیانی کرێکاریان بۆ گرنگە کە بتوانن زیاتر بەرهەمبێنن و زێدەبایی زیاتر کەڵەکەبکەن. ئەمش بە کەمترین کرێ و سەعات کاری زیاد و هەرزان و و نەبوونی هەر جۆرە سەلامتیەک لە شوێنی کار و ژیانی کرێکاراندا باشتر مەیسەر دەبێت.
کۆتاییهێنان بە نائەمنی شوێنی کار کاتێک بە تەواوەتی لە گۆردەنرێت کە پڕۆلیتاریای یەکگرتوو و شۆڕشگێڕ و گۆڕهەڵکەنانی نیزامی سەرمایەداری بتوانن ئەم سیستەمە ئاوەژووە لە گؤربنێن. هەتا ئەوکاتیش زەمانەتی باشبوونێک لە باری کار و ژیان و سەلامەتی کرێکارانەوە وابەستەیە بە یەکرتوویی و ڕێکخراوبوون لێکهەڵپێکانی خەباتی کەرتە پیشەسازیەکان بۆ سەپاندنی لانی کەمی ئەم داخوازیانە.
